Македонија

Почна грејната сезона – дел од граѓаните останаа со ладни радијатори

Од ЕСМ велат дека немањето парно некаде е поради технички проблеми, или неплатени сметки за струја. Нивните екипи се на терен за што побрзо да се нормализира снабдувањето во сите домови. парното греење и инвертер уредите според експертите се најекономичните системи кои воедно не ја загадуваат животната средина.

1 минута за читање

Студот, посебно ладното време на утро и ноќе, ги натера надлежните порано да пуштат топлинска енергија, односно грејната сезона. Иако поголем дел од домаќинствата имаат топлинска енергија, сепак некои од нив останаа со ладни радијатори. Причината била дефекти во топловодните системи. Очекуваат решавање на проблемот.

Од ЕСМ преку соопштение информираа дека станува збор за технички проблеми, или поради неплатени сметки за електрична енеергија, и додадоа дека нивните екипи се на терен за што побрзо да се нормализира снабдувањето во сите домови. парното греење и инвертер уредите според експертите се најекономичните системи кои воедно не ја загадуваат животната средина.

Студот, според прогнозите ќе се задржи деновиве, додека пак синоптичарите најавуваат пораст на температурите веќе од овој викенд. Сепак, дали ниските температури со кои започна октомври, може да најават постудена есен за разлика од претходната, не се знае. Метеоролозите сметаат дека есенските температури веќе следниот месец ќе бидат за нијанса повисоки, а не очекува за степен два, поблага зима во однос на минатата година.

Поврзани теми:

топ|струја|време|ЕСМ|парно|радијатори|студ|дефекти|топлификација

Повеќе на оваа тема:

Најнови вести од: Македонија

(Фото): Нема да дозволиме профитерство, рече Мицкоски по средбата со газдите на маркетите

По средбата на претставниците на маркетите и премиерот во Владата е заклучено дека не треба да има ново зголемување на цените. Премиерот порача дека нема да се дозволи профитерство на грбот на граѓаните.

(Видео): Синдикатот за култура со кривична за министерот Љутков – тој пак тврди: Барањата за раст на платите се незаконски

Синдикатот за култура поднесе кривична пријава против министерот за култура, за злоупотреба на службената положба и кршење на правата на вработените. Според претседателката на синдикатот, Вера Атанасовска министерот со инструкции испратени по е-пошта се обидел да ги поткопа правата на вработените и колективните договори. Синдикатот наведува дека повеќе од 800 пријави се поднесени од вработените во културата и дека постојат правосилни судски одлуки во нивна корист.

Николоски од Вашингтон: Разговаравме за економска соработка, енергетската транзиција и изградба на коридори

На средбата со Даниел Лотон, заменик-помошник државен секретар за Европа, беше нагласено силното партнерство меѓу двете земји, засновано на меѓусебна поддршка и споделена посветеност на демократските вредности, како и на создавање подобри перспективи за економска и трговска соработка, соопшти Министерството за транспорт.

Кај судијата Ѓоко Ристов пронајдени судски предмети, кои не ги гибал сѐ до истекување на роковите, најверојатно за да застарат!

Судскиот совет констатира сериозни сомнежи за несовесно и нестручно постапување на судија од Апелациониот суд Скопје, поради неразумно одолжување на судски постапки што довело до апсолутна застареност на предмети. Во извештаите се наведува дека дел од предметите биле чувани во фиока сè до истекување на роковите за кривичен прогон. Иако на седницата не беше јавно посочено името на судијата, досегашните сознанија имплицираат дека е тоа судијата во Апелацискиот суд Ѓоко Ристов. Против него и порано беа поднесувани анонимни претставки до Судскиот совет.

Попов: Македонскиот јазик не е „вештачка конструкција“ и борбата за него не е завршена! Стратегиските партнери треба да помогнат за спорот со Бугарија!

–Официјализирањето на македонската азбука и на македонскиот стандарден јазик не е никаква „вештачка конструкција“, туку логичен тек на долговековниот просторен и временски континуитет на македонскиот јазик и неговите дијалекти на цела територија. Тој има долга историја и особен влог во рамките на групата на словенски јазици и светското јазично семејство. Но борбата за зачувување на македонскиот јазик не е завршена. Таа мора да трае и да продолжи пред меѓународните институции за човекови права бидејќи неговата официјална употреба од страна на деловите на македонскиот народ во соседните земји е оневозможена со преземените обврски со потпишаните меѓународни договори. “ – нагласи Живко Попов, претседателот на Македонската академија на науки уметности, денес во своето годишно обраќање. .

Уставниот суд ги отфрли иницијативите, со кои се оспоруваше уставноста на „Безбедниот град“

Уставниот суд ги отфрли иницијативите да се оспори системот „Безбеден град“, односно дел од одредбите на Законот за прекршоци. Иницијативи со кои се бараше да се оспори „Безбеден град“ поднесоа двата дела на Алијансата за Албанците, предводени од Зијадин Села и од Арбен Таравари, како и студентот Или Пачуку, поради неупотребата на албанскиот јазик во пораките за прекршоци. Забелешката е и за, како што се тврдеше, „спроведувањето на системот само во Скопје, Тетово и во Куманово“, потоа и за обврската за поседување мобилен телефон и интернет-адреса заради доставување на пораките, но и за наводна „селективна примена на Законот и за дискриминација на Албанците“. Со иницијативите се бараше Уставниот суд да ги поништи „спорните“ одредби.
Сите вести од Македонија

Најнови вести

To top