Свет

Четворица загинати, 11 повредени во пад на хеликоптер на ЕУФОР кај Брчко

Во несреќата не е оштетена цивилна инфраструктура, имот или возила и нема повредени цивили, соопшти ЕУФОР

Бројот на жртви во падот на хеликоптер на ЕУФОР во близина на Брчко се искачи на четири, изјави градоначалникот на Брчко Синиша Милиќ, наведувајќи дека добил потврда од болницата.

Повредени се 11 лица, а нема цивилни жртви.

Се урна транспортен хеликоптер CH-47 Chinook, кој им припаѓаше на италијанските сили во ЕУФОР.

ЕУФОР потврди дека се случила несреќа во која бил вклучен нивен хеликоптер.

„ЕУФОР може да потврди дека денес, за време на рутинска операција во областа Брчко, се случила несреќа во која се урна едно од нашите летала“, се вели во соопштението, во кое се додава дека во оваа несреќа не е оштетена цивилна инфраструктура, имот или возила и оти нема повредени цивили.

„ЕУФОР спроведува целосна и темелна истрага за инцидентот и ќе објави повеќе информации кога ќе се утврдат фактите и кога ќе биде соодветно“, се вели во соопштението.

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

To top