Од 10 септември, Стопанска банка Скопје воведува бесплатни кредитни трансфери во интерниот платен промет за компаниите што користат дигитални канали. Ова е дел од процесот на намалување на надоместоците за платежни услуги, започнат во август, со нови поволности за клиентите.
Од истиот датум, за правните лица без надомест се и услугите за издавање дупла картичка за потписник или доносител, препис на платен налог и извештаи од блокирани платежни сметки. За граѓаните, преписот на патен налог исто така станува бесплатен, а потврдата за поседување промет и состојби на сметка ќе чини 100 денари, наместо досегашните 350 денари.
Банката соопшти дека од 5 септември ја намалила тарифата за СЕПА кредитни трансфери, со цел дополнителни заштеди за физичките и правните лица и олеснување на меѓународното работење под поповолни услови.