Федерален суд на САД го блокираше стапувањето во сила на царините што ги воведе претседателот Доналд Трамп за она што тој го нарече „Ден на ослободувањето“, објави Ројтерс.
Во пресудата се вели дека претседателот ги пречекорил своите овластувања со воведување на генерални царини за увоз од земји што продаваат повеќе во САД отколку што купуваат.
Судот за меѓународна трговија со седиште во Менхетен рече дека Уставот на САД му дава на Конгресот ексклузивно овластување да ја регулира трговијата со други земји, кое не е поништено од вонредните овластувања на претседателот за заштита на американската економија.
Тужбата, поднесена од непартискиот Центар за правда на „Либерти“ во име на пет мали американски бизниси што увезуваат стоки од земји што подлежат на царините, беше првиот голем правен предизвик.
Судот посочи дека може да има исклучоци за компании или сектори кои го преместуваат производството во Соединетите Американски Држави
Компаниите – кои се движат од увозник на вино и жестоки пијалоци со седиште во Њујорк до производител на едукативни комплети и музички инструменти со седиште во Вирџинија – рекоа дека царините ќе им наштетат на можноста за водење бизнис.