Израелскиот премиер изјави дека сака мир со Палестинците, но ја опиша секоја идна независна држава како платформа за уништување на Израел, објави Ројтерс.
Поради оваа причина, рече Бењнјамин Нетанјаху, суверената власт над безбедноста треба да остане во рацете на Израел.
Зборувајќи во Белата куќа, каде што се сретна со американскиот претседател Доналд Трамп, Нетанјаху го опиша нападот на Хамас врз Израел од Појасот Газа на 7 октомври 2023 година како доказ за тоа што би направиле Палестинците со држави, пренесе Ројтерс
Нетанјаху рече: „Мислам дека Палестинците треба да ги имаат сите овластувања да се управуваат сами, но не и овластувања да нè загрозуваат.
Тоа значи дека суверената власт, како и целокупната безбедност, треба да останат во наши раце“.
Подоцна додаде: „По 7 октомври, луѓето велеа дека Палестинците имаат држава, држава на Хамас во Газа, и погледнете што направија со неа. Тие не ја изградија. Тие се изградија во бункери, во тунели за терор, а потоа ги масакрираа нашите луѓе, ги силуваа нашите жени, ги обезглавија нашите мажи, ги нападнаа нашите градови и нашите села, нашите кибуци и извршија ужасни масакри какви што не сме виделе од Втората светска војна и нацистите, од Холокаустот. Затоа е малку веројатно дека луѓето ќе речат: „Ајде само да им дадеме уште една држава“. Тоа би била платформа за уништување на Израел.“
„Ќе создадеме мир со нашите палестински соседи, оние кои не сакаат да нè уништат, и ќе создадеме мир во кој нашата безбедност, суверената моќ на безбедноста, секогаш ќе остане во наши раце“, забележа Нетанјаху.