Му честитав, му пратив порака. А потем и ми се јави. Разговаравме. Му посакав успех, изразив уверување дека штом доби вака високо мнозинство тоа е гаранција за стабилност, дека веројатно бугарскиот народ, бугарските граѓани во него препознаа стабилен елемент на државата и нацијата, дека веројатно ќе може лесно да формира влада и да ја оствари својата програма, рече претседателката на македонската држава во изјавата за медиумите денеска во Собранието на Република Ммакедонија, на маргините на 20 Конференција на претседатели / спикери на парламенти на Јадранската и Јонската иницијатива.
Сиљановска – Давкова посочи дека мнозинството и стабилноста се и за нас важни затоа што, како што нагласи, „ќе имаме со кого да разговараме“.
– Нагласив дека за мене регионалниот пристап е важен, дека очекувам пријателски однос, конструктивен однос, разбирање на потребата од проширување. Очекувам организирање средба – изјави претседателката Сиљановска – Давкова.
Радев освои на апсолутно мнозинство пратеници на парламентарните избори во неделата во Бугарија.