Во соопштение за медиумите, партијата ВРЕДИ тврди дека „во ДУИ повеќе не се знае кој ја води партијата“.
Од партијата велат дека, Али Ахмети пушта пробни балони за негово повлекување од политиката, Бујар Османи го насочил погледот кон претседателската фотелја, додека луѓето на Артан Груби испраќаат поздрави и потсетуваат на сите кој до вчера го правел законот во партијата.
„Ахмети се преправа дека ја држи ситуацијата под контрола, но неговите есапи не функционираат. Ако го застане во одбрана Артан, го оптоварува својот политички багаж. Ако му сврти грб, ризикува да ја отвори „црната кутија“ и да покаже кој што нарачал, што потпишал и кој, на крајот, го собрал кремот“.
„Што е со Бујар?“ прашуваат од ВРЕДИ и велат дека „тој зборува за сè, но ниту еден збор за Артан. Па, кој му го врза јазикот на Бујар? До вчера беа заедно на чело на ДУИ и презентираа единство пред јавноста, додека денес Бујар се однесува како Артан да не постои.
Што знае Бујар за Артан, а не сака јавно да го каже? Дали чека вистински момент да проговори или молчи за да не се вклучи во оваа приказна?“
„Денес во ДУИ се зборува за сè, но нема одговори за ништо. Од што повеќе се плаши Бујар, од тоа што Артан ќе пропее како славеј или дека Али нема да се повлече?“, прашуваат од ВРЕДИ.