Бизнис

Сладоледот извозен адут на Македонија – за 10 години извозот зголемен за четири пати

Лани продадени во странство 30 проценти повеќе од популарниот десерт во однос на претходната година и во количина, и во вредност

1 минута за читање

Сладоледот полека, но сигурно станува извозен адут на Македонија, за што зборува растот од 30 проценти за една година и четирикратно за последните 10 години.

Според најновите податоци на Државниот завод за статистика, Македонија лани извезла 5.260 тони сладолед во вредност од 18,2 милиони евра или речиси една третина повеќе во однос на претходната година.

Во 2015 година извозот достигнал 4,5 милиони евра, што значи дека оттогаш до денес продажбата во странство на леденото слатко задоволство се зголемила за четири пати.

Дека сладоледот станува вносен бизнис во државава потврдува и фактот дека нето ефектот од трговијата со него, односно разликата меѓу извозот и увозот од 11,8 милиони евра лани е 6,4 милиони, што зборува за конкурентноста на овој македонски извозен производ на пазарите, пред сè, во регионот.

 

Поврзани теми:

Државен завод за статистика|Македонија|извоз|сладолед

Повеќе на оваа тема:

Најнови вести од: Бизнис

Божиновска: Енергетиката посилен и поиновативен сектор со повеќе жени, да се искористи потенцијалот

Енергетската транзиција не е само технолошки процес, туку и длабока трансформација на работната сила, во која жените мора да имаат еднаква и видлива улога, порача денеска министерката за енергетика, рударство и минерални суровини, Сања Божиновска, на настан организиран во рамки на проектот ELeVATE (2025–2028), посветен на охрабрување и поддршка на девојки и жени за развој на кариера во секторите на нето-нула технологии, паметни енергетски системи и зелена транзиција.

Со унгарски пари ќе се гради голема гасна централа во Македонија

Во последната деценија MET Holding стана еден од најголемите играчи на пазарот на гас во Централна и Источна Европа. МЕТ е основана во 2007 година од унгарската државна корпорација за гас „МОЛ“. Тогаш во медиумите се појавија обвинувања дека унгарскиот премиер Виктор Орбан стои лично зад развојот на МЕТ, користејќи раководни лица за пренос на целиот бизнис со гас од државната МОЛ на новата приватна компанија која во меѓувреме презеде удел. Во 2013 година е основана МЕТ Холдинг во Швајцарија, која е во стопроцентна сопственост на унгарскиот МЕТ.

КСС се согласува со владината понуда платите на административците да пораснат за 8% во рок од три години

Конфедерацијата на слободни синдикати уште од првиот момент ја прифати понудата кога таа беше изнесена, без опструкции, без калкулации и без злоупотреба на работниците. Нашиот став беше и останува јасен – секоја реална можност за подобрување на материјалната состојба на вработените треба да се искористи веднаш, велат од КСС.

Владата нуди унифицирана формула за покачување на платите

Владата има своја формула за пресметување на платите на вработените во администрацијата. Најголем дел од претставниците на синдикатите, и репрезентативните и од гранковите, се согласни со таа позиција на Владата, со неколку исклучоци. Формулата што ја нуди Владата во врска со тоа како ќе следи покачувањето на платите на административците етапно ќе значи повисоки примања за нив, а не само за онолку средства колку што ќе расте минималната плата.

Занаетчиите уплашени, ако порасне минималецот ќе мора да ги затворат дуќаните

Растот на минималната плата на 600 евра, иако на прв поглед звучи како чекор кон подобар животен стандард, може да има сериозни последици за занаетчискиот сектор и малите бизниси. Наместо поголема сигурност за работниците, овој потег ризикува да предизвика затворање на дуќани, отпуштања и дополнително осиромашување на локалните заедници, алармира Занаетчиската комора.
Сите вести од Бизнис

Најнови вести

To top