Хроника

Обвинение против шестмина, со измами земале брзи кредити на туѓо име и од 2022-2024 „ќариле“ 52 илјади евра

Основното јавно обвинителство Скопје поднесе обвинение против шест лица осомничени за организирана измамничка шема со брзи кредити, во која, според обвинението, биле злоупотребувани лични податоци, користени фалсификувани исправи и внесувани невистинити податоци во информатички системи. Покрај обвинението, против уште 33 лица е поднесен предлог за издавање казнен налог за кривичното дело „компјутерска измама“.

1 минута за читање




Според Обвинителството, обвинетите извршиле повеќе временски поврзани дејствија, користејќи исти околности и начин на дејствување, при што во информатичките системи на повеќе финансиски друштва внесувале невистинити податоци за добивање брзи кредити.

Во шемата, според ОЈО, учествувало и службено лице вработено во Фондот за здравствено осигурување, кое им овозможило пристап до ЕЗБО број преку електронскиот систем на институцијата. Со тие податоци, обвинетите користеле фалсификувани исправи и злоупотребувале лични податоци на други лица за да подигнат брзи кредити на нивно име.

Обвинителството наведува дека четворица од обвинетите, во периодот од февруари 2023 до јуни 2024 година, стекнале противправна имотна корист од 2.509.808 денари, додека останатите во текот на 2022 и 2023 година прибавиле дополнителни 659.500 денари. Односно, севкупно ооколу 52 илјади евра.

За четири лица кои биле опфатени со истрагата, јавниот обвинител донел решение за запирање на постапката. За двајца не биле обезбедени докази за нивна вмешаност, а другите двајца починале во текот на постапката.

Поврзани теми:

актуелно|обвинителство|измами и земање брзи кредити во туѓо име

Повеќе на оваа тема:

Најнови вести од: Хроника

Доживотен затвор за серискиот убиец Трајко Бојковски, поради четири убиства и два обида за убиство на жени

Основниот суд во Куманово денеска ја изрече пресудата за Трајко Бојковски, обвинет за четири убиства и два обида за убиство на жени во регионот на Старо Нагоричане. Судот го осуди Бојковски на казна доживотен затвор, со што заврши првостепената судска постапка која предизвика голем интерес во јавноста.

Од 12 октомври 2026 започнува „Безбеден град“ во Охрид, Струга, Кичево и во Дебар

Министерството за внатрешни работи ја известува јавноста дека од понеделник (12.10.2026), системот за сообраќаен надѕор „Безбеден град“ започнува со работа и на подрачјето на СВР Охрид, односно и во Струга, Кичево и во Дебар.

Притвор и куќен притвор на двете вработени во АД „Државна лотарија“ за проневера на 1,3 милиони евра

Судија на претходна постапка од Основниот кривичен суд Скопје постапувајќи по предлог на Обвинителството, им определи мерка притвор и куќен притвор на двете осомничени финансиски раководителки во АД „Државна лотарија“ за “проневера во служба”.

Одземен пасошот и забрана за работа за Вишиот јавен обвинител од Битола, се сомничи за криминал и мито

Судија на претходна постапка при Основниот кривичен суд Скопје, постапувајќи по предлог на Основното јавно обвинителство за гонење на организиран криминал и корупција за определување мерки за претпазливост против П.В. – Виш јавен обвинител од Битола, по сослушување на осомничениот во присуство на неговиот бранител, како и по ценење на фактите и доказите содржани во предлогот, донесе решение со кое го прифати предлогот на ОЈО ГОКК.
Сите вести од Хроника

Најнови вести

To top