„Не знам некој поради пристисоци да оди во опозиција, тоа се шпекулации“, вели првиот човек на Алијанса за Албанците, Арбен Таравари околу неговото напуштање на владата и на коалицијата ВРЕДИ во пресрет на Локалните избори.
„Никогаш немало притисоци ниту од другата страна, никогаш во животот не сум потпаднал под притисоци.
Во 2017 година во Гостивар имав соработка со ВМРО-ДПМНЕ во локалната власт и имав притисоци од централнтата власт. Централната власт е таа што може да прави притисоци, не може опозицијата. А кога ќе дојде момент да потпаднам под притисок, ќе нема да се занимавам со политиката“, рече Таравари во Вести Плус на Канал 5.
За локалните избори се можни секакви комбинации, речеТаравари, кој ќе соработува со доскорешните ривали, Али Ахмети и Зијадин Села.
Очекува наесен заедно со Европскиот фронт во албанскиот блок да освојат повеќе од два спрема еден гласови во споредба со ВРЕДИ и вели дека доколку соодносот е помал воопшто нема да има потреба и логика да се бараат предвремени парламентарни избори.