Македонија

(Видео): Ребалансот е поради лошото менаџирање на економијата, вели Филипче

Опозицискиот лидер оцени дека и покрај намалувањето на ДДВ и акцизата, вкупната цена на горивата во изминатиот период пораснала за повеќе од 50 отсто, што според него значи дека приливите во Буџетот од ДДВ и акцизи не би требало да бидат намалени, туку би требало да останат најмалку на истото ниво.

Лошо менаџирање на економијата, а не намалувањето на акцизите и ДДВ за горивата е причина за најавениот ребаланс на Буџетот – обвини денеска претседателот на опозицискиот СДСМ, Венко Филипче, откако премиерот Христијан Мицкоски најави дека во текот на месецов се очекува да заврши процесот на ребалансот на Буџетот.

  • „Ако недостатокот е околу 130 милиони евра, треба да се знаат вистината и фактите во однос на ДДВ и акцизата кај горивата. Вкупниот прилив по основ на ДДВ и акцизи на горива во 2025 година, кога немало криза, бил околу 500 милиони евра, односно околу 470 до 500 милиони евра. Значи дека три месеци требало да не се наплаќаат ДДВ и акцизи за да недостасуваат околу 130 милиони евра, како што кажува премиерот. Што значи – тоа не е вистина, рече Филипче на денешната прес-конференција.

Опозицискиот лидер оцени дека и покрај намалувањето на ДДВ и акцизата, вкупната цена на горивата во изминатиот период пораснала за повеќе од 50 отсто, што според него значи дека приливите во Буџетот од ДДВ и акцизи не би требало да бидат намалени, туку би требало да останат најмалку на исто ниво. Реалноста што стои зад ребалансот, според лидерот на СДСМ, е лошо менаџиран Буџет.

  • „Милијарда евра фалат во Буџетот. Не е за тоа виновна кризата. Таа има свој придонес, меѓутоа не до тој степен да треба нов ребаланс. Лошото водење на економијата и на финансиите доведува до тоа да фалат милијарда евра во Буџетот. Од каде ќе дојдат? Нови задолжувања. Нема друг извор на пари за оваа криминална власт, кои повторно ќе ги искористат за своите партиски криминални тендери“, вели Филипче.

Претходно премиерот Христијан Мицкоски повтори дека ќе се прави ребаланс на Буџетот и изрази очекување дека процедурата ќе биде завршена во текот на октомври.

Најнови вести од: Македонија

Аларм: Секое 10-то дете во Македонија изложено на сексуална злоупотреба на интернет

Секое десетто дете во Македонија на возраст од 12 до 17 години коешто користело интернет било изложено на сексуална експлоатација и злоупотреба. Станува збор за околу 12.000 деца, бројка што ја потврдува и последното истражување на УНИЦЕФ.

(Видео): Проблемот со кравите во Крива Паланка стигна до Обвинителството – Општината поднесе кривични пријави

Крива Паланка, заедно со жителите од засегнатите села, поднесоа неколку кривични пријави до Обвинителството поради институционално непостапување по извршни решенија за одземање на добитокот што слободно шета во градот и пошироко.

УКИМ не платил сметки за струја, ако не се плати долгот – факултетите ќе останат во мрак

Дел од државните факултети и Ректоратот од утринава се во мрак поради неплатени сметки за електрична енергија. Ова за Телма го потврдија и од ЕВН. Без струја останаа Машинскиот, Електротехничкиот, Природно – математичкиот, земјоделскиот факултет, но и зградата на Ректоратот.

Велковски: Во владина постапка се измените на Законот за детска заштита, од 2027 поголема поддршка за децата со посебни потреби

Измените на Законот за детска заштита веќе се во владина процедура, каде се предвидува зголемување на постоечките државни износи за поддршка, со посебен фокус на децата со посебни потреби, изјави министерот за труд и социјална политика и млади, Ѓоко Велковски одговарајќи на пратенички прашања во Собранието, нагласувајќи дека се очекува овие измени брзо да ја поминат собраниската процедура и од 1 јануари 2027 година децата од оваа категорија да добијат зголемени средства.

Николоски: Од 1 јануари 2027 државата ќе биде единствен организатор на интернет-игрите на среќа и ВЛТ терминалите

Владата останува на ставот за ограничување на игрите на среќа и веќе презеде конкретни законски мерки со кои се намалуваат можностите за нивно организирање, истакна заменик претседателот на Владата и министер за транспорт, Александар Николоски, одговарајќи на пратеничко прашање на Јована Мојсоска од Левица поврзано со работењето на Државна лотарија, односно дали Владата ќе иницира разрешување на директорот на Државна лотарија, Александар Климовски, како и дали ќе биде затворена платформата за онлајн коцкање „Мегавин“.

To top