Новите членки на Европската Унија нема да имаат право на вето во три клучни области во првите 15 години од зачленувањето, како дел од новите заштитни механизми во пристапниот процес, најави еврокомесарката за проширување Марта Кос на денештото официјално отворање преговори со Украина и со Молдавија.
„Ова ќе биде нова генерација на пристапни договори, во смисла дека ќе имаме нови заштитни механизми. Полноправното членство ќе биде можно дури кога државите ќе ги исполнат сите услови. Не постои половично или четвртина членство. Постои само полноправно членство“, ја цитира еврокомесарката порталот „Еурактив“.
Франција, Германија, Холандија, Белгија и Луксембург бараат на новопримените членки да им се ограничи можноста за одлучување за буџетски, безбедносни и надворешнополитички прашања.