Македонија

Никола Парапунов, деец за ослободување и обединување на Македонија и прв борец против фашизмот во Балканот – 82 години од смртта

На денешен ден, на 9 декември 1943 година кај селото Бараково, Горноџумајско, во Пиринскиот дел на Македонија, денес во Бугарија, во борба против полициска заседа загинал македонскиот револуционер Никола Парапунов. На 26 јуни 1941 година во околината на Разлог, тој ја формирал првата првата партизанска чета во Пиринска Македонија, прва оружена антифашистичка борбена формација на територијата на тогашна царска Бугарија, која била во сојуз со тогаш хитлеровска фашистичка Германија. Организаторот на првото антифашистичко движење во Царска Бугарија Парапунов се застапувал за заедништво на партизанските движења од трите дела на Македонија, едновремено и за во територијална и етничка смисла на распарчена Македонија. Така Пиринска Македонија, како дел од Царството Бугарија, најрано го крева својот глас за ослободување и обединување на Македонија. Токму во Пиринска Македонија ќе се одигра и првата оружена борба против бугарската фашистичка војска и воопшто првата оружена битка против фашистичките окупациски војски на Балканот.

3 минути за читање

Никола Парапунов – Владо (1. 7.1909 – 9.12.1943) е македонски револуционер, истакнат организатор и раководител на партизанското антифашистичко движење во Пиринскиот дел на Македонија. Роден  роден на 1 јули 1909 година во Разлог во семејство на шивачки работник. Во 1924 година, по завршувањето на трети клас во месната седмолетка, Никола продолжил да се школува во средното техничко училиште во Софија, на градежна насока. Уште како ученик станал член на сојузот на комунистичката младина – Комсомол. По завршувањето на школувањето се вратил во родниот град каде работел и соработувал со тогашната  ВМРО (обединета). Во 1931 година Парапунов станал член на Бугарската комунистичка партија, а  на почетокот на наредната година станал член на нејзиното окружно раководство во Петрич.

Во 1933 година, поради својата комунистичка дејност. Парапунов бил уапсен и осуден на 15 години затвор. Во затворот раководел со кружоци и држел предавања за националното прашање, посебно за македонското национално прашање. Никола Парапунов бил во затвор сѐ до 1941 година. По излегувањето од затвор преминал во илегала и станал еден од првите партизани во Пиринскиот дел на Македонија. На 26 јуни 1941 година тој ја организирал Разлошката партизанска чета, првата вооружена партизанска формација во Бугарија. Бил командир на Разлошката чета и командир на Четвртата Горноџумајска востаничка оперативна зона на НОВА. 

Парапунов ги поттикнал почетоците на партизанското движење во Пиринскиот дел на Македонија и Бугарија. На територијата на Пиринска Македонија, не само што во 1941 година ќе се оформат партизански одреди под водството на Парапунов, туку во Пиринска Македонија ќе се одигра и првата вооружена борба против бугарската војска и воопшто првата вооружена битка против фашистичките окупациски војски на Балканот. По основањето на Отечествениот фронт (ОФ) во 1942 година Никола Парапунов работел за развој на неговите структури во Пиринска Македонија. Тој бил секретар на Окружниот комитет на БКП и на IV востаничка оперативна зона (IX 1941). Меѓутоа, Парапунов дошол во судир со ЦК на БКП за прашањето за оружената борба и раководниот состав на Четвртата Горноџумајска востаничка оперативна зона на НОВА. Бидејќи се застапувал за заедништво на партизанските движења од трите дела на Македонија и нејзино обединување.

На почетокот од 1943 година Парапунов станал член на ЦК на БКП, но загинал кај месноста Сува Чешма, во близина на селото Бараково, по патот за Горна Џумаја, на 9 декември 1943 година во заседа од бугарската војска и полиција. По неговата смрт Разлошкиот партизански одред го носи неговото име, а македонскиот народ ја испеал песната „Имала мајка едно ми чедо“:

Имала мајка едно ми чедо едно ми чедо Никола

Очите ѕвезди, лице трендафил, левенто чедо крилато.

Ееееј Никола, ееееј јунак пирински.

Му здодеало од чорбаџии, од клето ропство фашистко.

Тргнал Никола в бој да се бие за наша мајка Македонија.

Ееееј Никола, ееееј јунак пирински.

Дигнал ми глава херој Никола

за правда и за слобода.

Тргнал Никола в бој да се бие

за наша мајка Македонија.

Ееееј Никола,

ееееј јунак пирински.

Поврзани теми:

актуелно|Бугарија|Пиринска Македонија|борба против фашизмот|Никола Парапунов

Повеќе на оваа тема:

Најнови вести од: Македонија

Устен демарш за албанскиот амбасадор во Македонија Мејдани, поради изјавите, кои претставуваат мешање во нејзините внатрешни работи

„Устен демарш му бил упатен денеска на вонредниот и ополномоштен амбасадор на Република Албанија во Република Македонија Денион Меидани, кој бил повикан во Министерството за надворешни работи и надворешна трговија.“ – објави „Плус инфо“.

Мицкоски: Протестирачите-идни правници, ги прекршија законите за знамиња, за државната химна, Уставот! Имаше и надворешни мешања во внатрешните работи на РМ!

Премиерот на Владата на Република Македонија Христијан Мицкоски изјави дека го поддржува правото на протест, но оцени дека на протестот во Скопје, на кој се бараше правосудниот испит да може да се полага и на албански јазик, биле прекршувани закони и Уставот. „Поддржувам протести секогаш, тоа е демократско право да се поддржат протести. Но, мене лично ми пречитоа што протестантите, коишто практично се правници, коишто се борат за право, го прекршуваат законот, да речеме законот за знамињата. Законот за државната химна, Уставот и така натаму.“ – нагласи премиерот.

Вест важна за македонската евроинтеграција: Пет земји членки на ЕУ предлагаат „систематска“ постепена интеграција на Западниот Балкан во единствениот пазар!

Пет земји членки на Европската Унија предложија „активна и систематска“ постепена интеграција на земјите од Западен Балкан во главните сектори на единствениот пазар на ЕУ пред нивното полноправно членство, врз основа на постигнатите резултати во усогласувањето со европското законодавство и владеењето на правото, со цел да се одржи динамиката на проширувањето, да се забрзаат реформите и да се спречи влијанието на трети земји. Во нон-пејперот, потпишан од Австрија, Чешка, Италија, Словачка и Словенија, се наведува дека постепената интеграција по сектори, „како меѓучекор кон целосната европска интеграција“, треба да се спроведува кога кандидатот ќе покаже високо ниво на усогласеност со правните текови на ЕУ во релевантниот сектор и кредибилна примена на владеењето на правото. Документот предвидува и заштитни мерки во случај на назадување на земјата која добила пристап до пазарот.

Скандал: Мехмети ги повикува Албанците да не учат и да не зборуваат македонски, оти само тој „јазик“ ќе го разберат Македонците, кои не ја сакаат албаноговорна Македонија!

Писателот и публицист Ким Мехмети од Скопје се огласи преку медиумите со свој повик до Албанците од Македонија да не го учат и да не го зборуваат македонскиот јазик, бидејќи, како што нагласува, „само тоа е ‘јазикот’ кој ќе го разберат сограѓаните Македонци, кои го сакаат само мртвиот Албанец и што не ја сакаат Македонија, која би зборувала и на албански“! Мехмети во оваа скандалозно писание изнесува и јавен предлог, или и повик, да се одело и „дури и чекор понатаму“, за создавање некакви паралелни албански институции, како што пишува, „каде што тие ќе доаѓаат со преведувачи на нивниот јазик, додека ние им ќе доаѓаме со преведувачи на нашиот јазик“!

Екс амбасадор со спремно прашање бара референдум за членството на земјава во ЕУ

Референдумското прашање би било: „Дали сте согласни Република Северна Македонија да ги продолжи преговорите за влез во Европската унија со измена во амандманот XXXVI на Уставот на вашата држава и по зборовите …„бошњачкиот народ“, да се додадат зборовите „на хрватскиот народ, на бугарскиот народ, на еврејскиот народ…“

“Samsung” ги лансираше новите генерации на гејмерските Odyssey и професионалните ViewFinity монитори, вклучувајќи го и првиот 6K монитор во индустријата наменет за играње игри

Линијата монитори за 2026 година го предводи пазарот во однос на перформансите, истовремено проширувајќи го пристапот до премиум иновации кај екраните. DisplayPort 2.1 носи перформанси со голем проток за напредни визуелни ефекти низ целата линија Odyssey G8
Сите вести од Македонија

Најнови вести

To top