Повеќе од 160 лица се приведени, а 156 повредени, од кои 97 полицајци, е биланост на насилните студентски протести во Тирана со барање за заминување на Владата на Еди Рама, кој 13 години е на функцијата премиер на Албанија.
Вчеравечер полицијата се судри со демонстрантите четврти ден во низа, употребувајќи солзавец и водени топови за да ги растера насобраните граѓани, кои возвраќаа со камења и блокираа улици со запалени контејнери за отпад.
Рама обвини „странски сили“ дека ги поттикнуваат немирите и се обидуваат да го попречат патот на Албанија кон членство во Европската Унија.
„Ова нема апсолутно никаква врска со тешкотиите, проблемите или легитимните стремежи на кој било што сака подобар живот. Тоа се странски раце што не сакаат мир во Албанија“, рече тој во видеопорака на Фејсбук.
Двајца полицајци се суспендирани поради прекумерна употреба на сила, соопшти министерот за внатрешни работи Ервин Дема.