„Левица“ победи на изборите во Берлин со над една четвртина од гласоивите (25,6 %) со што го удвоија претходниот резултатот. Демохристијаните остануваат втори со 18,9 отсто, трети се „Алтернатива за Германија“ со 16,1 отсто, кои се пред „зелените“ и социјалдемократите. Во парламентот со 159 места, демохристијаните ЦДУ губат половина од своите места и ќе имаат само 35 пратеници.
„Левцата“ е предводена 45-годишната адвокатка со турско потекло Елиф Ералп.
Новоизбраниот парламент гласа и го избира владејачкиот градоначалник. Доколку Ералп стане градоначалник, таа ќе биде првата градоначалничка на Берлин со турско потекло, првата жена лидер на провинција во Германија со мигрантско потекло и првата политичарка од „Левица“ што ќе го води главниот град.
„Испишавме историја“, им порача кандидатката на Левицата, Елиф Ералп, на своите еуфорични поддржувачи. Според проекциите, нејзината партија убедливо победи пред ЦДУ на изборите во Берлин.
Со тоа Левицата за првпат добива реална можност да го даде градоначалникот на Берлин. Тоа би можело да се случи преку тричлена коалиција со Зелените и Социјалдемократската партија (СПД).