Бизнис

Стапката на нефункционални кредити падна на историски најниско ниво до сега

Советот оценува дека од јануари до крајот на септември банкарскиот сектор остварувал добивка од работењето, иако таа благо се намали, но показателите за профитабилноста и натаму се на солидно ниво.

1 минута за читање

И во третиот квартал од годинава, банкарскиот сектор работи стабилно и сигурно, со висока солвентност, подобрена ликвидност и со подобар квалитет на кредитното портфолио. Стапката на адекватност на капиталот е стабилна и изнесува  19,5%, а ликвидносната позиција зајакна со што покрива значителен дел од краткорочните обврски и од депозитите на домаќинствата, оценува Советот на Народна банка во последниот извештај.

Како што е соопштено резултатите од стрес-тестовите укажуваат на висока отпорност на банкарскиот систем на потенцијални шокови. Во овој квартал квалитетот на кредитното портфолио дополнително е подобрен, а стапката на нефункционални кредити се намали на историски најниското ниво од 2,3%.

Оценето е дека растот на депозитите и натаму е солиден, иако е благо забавен, при што значителен придонес имаат денарските и долгорочните депозити.

Кредитниот раст на нефинансиските сектори забави на квартална основа, додека годишната стапка на раст на вкупните кредити благо се зголеми и изнесува 14,9%.

Советот оценува дека од јануари до крајот на септември банкарскиот сектор остварувал добивка од работењето, иако таа благо се намали, но показателите за профитабилноста и натаму се на солидно ниво.

Поврзани теми:

пари|инфлација|банки|НБРМ|кредити|капитал|бизнис|раст

Повеќе на оваа тема:

Најнови вести од: Бизнис

Неколку фирми должат речиси 59 милиони евра за даноци и придонеси

Кај најголемите должници доминира долгот по основ на ДДВ. Од вкупниот долг на првите десет фирми, 55,51 милиони евра, односно 3,41 милијарди денари, се однесуваат на ДДВ. Тоа е повеќе од 94 проценти од нивниот заеднички долг.

(Фото): Комитетот за јавни инвестиции прифатил три големи проекти за реализација во следните години

„Брза пруга на Коридор 10 Табановце – Куманово – Скопје – Велес – Демир Капија – Гевгелија – Реконструкција и надградба на Железничкиот Коридор 8 Скопје – Јегуновце – Тетово – Гостивар – Кичево – Набавка на нови локомотиви и возови. На ова се надоврзуваат огромните проекти кои веќе ги реализираме – автопати и железница на Коридорите 10 и 8“, објави Николоски.

(Фото): Банкарскиот систем е стабилен, но надворешни ризици постојат, велат од Народна банка

Како значаен стратегиски исчекор во текот на годината се издвојува приклучувањето на земјава кон Единствената област за плаќања во евра (СЕПА), како и започнувањето на подготовките за воведување инстант плаќања, со што дополнително се унапредува платежната инфраструктура и се зајакнува финансиската интеграција со Европската Унија.

ИСОС ја најавува третата регионална конференција посветена на иднината на сметководствената професија

Во организација на ИСОС – Институтот на сметководители и овластени сметководители, на 6 мај 2026 година во Скопје ќе се одржи третата регионална конференција на сметководители и овластени сметководители, под мотото: „Генерација со визија – Професија со иднина“

Доновска-Гечева: Народна банка активно развива модерен и сигурен платен систем

Законот за платежни услуги и платни системи овозможи влез и на нови даватели на платежни услуги и придонесе за поголема конкуренција и иновации на пазарот. Исто така, посочи дека со намалувањето на провизиите за користење на дигиталните канали за плаќање од страна на банките, како одговор на активностите на Народната банка за ревидирање на надоместоците, уште повеќе се поттикнува користењето на електронските услуги од страна на граѓаните во 2025 година.
Сите вести од Бизнис

Најнови вести

To top